Madumduman nga may yara sang free solo climber nga nakasaka sa isa ka skyscraper sa Taipei nga wala sang kalat ukon safety gears.
Ang kadalag-an ni Alex Honnold sa pagsaka sa mataas nga building ang nangin inspirasyon sa mga pumuluyo sa nasambit nga lugar.
Apang ang Ershui Junior High School sa Changhua County ang madugay na nga nagaduso sa ila mga estudyante nga mangin climbers agud makuha nila ang ila mga diploma para sa graduation.
Ang nasambit nga skwelahan ang naglunsyar sang pinakataas nga climbing wall sa Taiwan, kag indi lamang ini para sa pasundayag.
Ang mga studyante sa amo nga institusyon ang may yara sang climbing lessons kada semana, kag dapat nga makasaka sang 15 metros ukon 49 feet nga kataason sang rock wall agud makuha nila ang ila mga graduation certificates.
Nagapati ang skwelahan nga ang ini nga tumalagsaon nga requirement ang wala lamang nagapabudlay sa mga studyante kundi nagatudlo sa ila sang focus, balance, kag physical coordination.
Ang nasambit nga rock wall ang kaangay sang isa ka building nga may yara sang lima ka panalgan.
Wala man ini nangin problema sa mga estudyante kag ini ang ila ginasakaan man kun may yara sila sang libre nga oras.
