Mga fisherfolks ukon mangingisda, makabakal na sang P20 per kilo nga bugas

Ginabanta nga nagdangat sa 2.9 million ka mga mangingisda ang makabenepisyo sa programa nga “Benteng Bigas, Meron Na!” sang Department of Agriculture (DA), kun sa diin mahimo nga makabakal sang bugas sa balor nga P20 kada kilo.

Suno sa DA, mahimo mabakal ang mga manugpangisda sang tubtob napulo ka kilo sang bugas kada bulan ukon isa ka beses nga makabakal sang tubtob sa 50 kilos nga magadugay sang lima ka bulan.

Natalana nga mag-umpisa ang distribusyon sang barato nga bugas para sa sektor sang mangingisda sa Agosto 29.