Ginpresentar sang prosecution sa confirmation of charges hearing sang International Criminal Court (ICC) ang kaso sang pagpatay sa tatlo ka ginaalegar nga mga kawatan sa Agdao Public Market sa Davao City sang Disyembre 4, 2013.
Suno sa prosecution, matapos ang insidente, ginlantaw pa mismo ni anay Davao City Mayor Rodrigo Duterte ang video sang pagpatay sa tatlo ka mga indibidwal.
Suno kay Senior trial lawyer Julian Nicholls nga wala nasolbar ang kaso bangud si Duterte man mismo ang nagmandu sa hitmen sa paghimo sang krimen.
Pahayag sini, ang padya sa amo nga insidente nagdangat sa P90,000.
Samtang ginpanglawag kag ginpang-flash ang pictures sang ginaalegar nga “co-perpetrators” ni former President Rodrigo Duterte sa maduguon kag kontrobersyal nga drug war.
Sila amo sanday Senator Ronald dela Rosa; Senator Christopher Lawrence Go; Former acting PNP chief Vicente Danao; Former NBI director Dante Gierran; Former DOJ chief Vitaliano Aguirre II.
Suno kay Nicholls halin sa ICC Office of the Prosecutor, may dugang pa nga co-perpetrators nga isapubliko buwas, Pebrero 24, kadungan sang pag-resume sang confirmation of charges hearing sang ICC Pre-Trial Chamber 1.
