Padayon nga magareport sa eskwelahan ang mga manunudlo agud nga maghatag sang modules apisar nga wala sang estudyante matapos nga ginsuspend bangod sa tuman ka init.
Pila ka mga banwa kag ciudad ang nagdeklarar sang suspension of classes, subong nga adlaw, Marso 11 tubtob bwas, Marso 12.
Sa interview sang Bombo Radyo kay Lila Arro, information officer sang Department of Education Division of Bacolod City, apisar nga wala sang estudyante nga nagpadulong sa buluthuan, ginreqire ang mga manunudlo nga magreport sa gihapon.
Suno diri, igahatag sang mga manunudlo ang modules sa mga ginikanan sang estudyante agud nga wala sang delay sa klase.
Mahimo naman nga magtinir ang mga manunudlo sa faculty office agud indi sila matam-an sang init.
Apang, kun natapos naman ang ila trabaho ukon obligasyon sa eskwelahan, mahimo na ang mga ini nga makapauli, gani nagapanugyan ini nga mas maayo nga ihatag sang tingob ang mga modules.
Suno kay Arro, patigayunon ang klase paagi sa modular learning kag online class.
Samtang, sa karun isa pa lamang ka insidente sang pagka-sunggo ang napadangat sa opisina sang DEPED- Bacolod.
Panugyan ni Arro, panilagan ang ginabatyag sang lawas kag bantayan ang sintomas sang heat stroke, kag dugang pa sini, likawan ang pagsulay sa init kag mag-inom sang tubig.
