Ginkumpirmar sang punong barangay sang Brgy Molocaboc, ciudad sang Sagay, nga miyembro sang Alpha Omega nga grupo ang nagpangguba kag nagpangkakas sang kudal sa property sang pamilya Lumayno.
Sa interview sang Bombo Radyo kay Punong Barangay Rocky Pasaylo, naglisensya sa iya ang isa ka anay-tanod nga si Jofrey Surunda, nga may yara ini sang mga kakilala gikan sa ciudad sang Escalanate nga magabisita sa isla para maglantaw sa propedad sang pamilya Lumayno,apang iya ini ginhambalan nga indi magsulod sa private property.
Nagpasalig naman ang anay-tanod nga magalanatw lamang sila sa area.
Dugang pa sang Punong Barangay, si Jofrey Surunda, ang anay-tanod, apang ini naghalin sa trabaho para magsulod sa grupo sang Alpha Omega kag sa sulod mismo sang Brgy Molocaboc may yara sang kapin sa 30 ka mga pumuluyo ang miyembro sang Alpha Omega.
Suno kay Pasaylo, pasado alas- 8:00 sang aga sang nag-abot sa isla ang grupo nga nagasuksok sang dark blue nga uniporme kag iban naka-bonnet, kag ini ang ginkatingalahan man niya nga nakasakay lang gilayon sa Vito Port ang mga tawo nga wala lang man gintsekyar sang Philippine Coast Guard.
Masobra sa 200 ka mga balay ang nasulod sa 70 ka ektartya nga duta sang Pamilya Lumayno kun sa diin duha ka mga tawo lamang ang nagabantay sa property.
Pahayag ni Pasaylo, ginapangitaan sang relocation site ang mga pumuluyo nga suno sa ila willing man ang mga ini magsaylo.
