BACOLOD CITY — Gilayon naman nga gintatap sang Brgy. 38 ang ila mga residente nga nasunugan.
Ginbuksan ni punong barangay Gener Agpalo ang ila nga barangay hall para sa mga nasunugan.
Ang pamiliya pamilya Celis ang gin pasalig ni Agpalo nga patineron sa barangay hall samtang sanday Bombo Max Padparan, newswriter sang Bombo Radyo nga nadalahig man ang gina-arkilahan nga balay ang nag-tiner anay sa building nga ginapanag-iyahan sang mga madre nga malapit lamang sa mga nasunugan.
Naga-kanugon man apang wala na sang mahimo ang asawa ni Bombo Max nga si Rita Padparan bangud nga pila lamang sang ila mga gamit ang ila nasalbar.
Suno diri, naga-preparar na sila kuntani nga panyapon sang nag-sugod ang kalayo.
Ginpukaw lang sini ang bana nga naga-katulog bangud may duty pa kuntani las 11:00 kagab-i.
Samtang, matapos ang sunog na-realisar ni Punong Barangay Agpalo nga kinahanglan nila hawanan ang alagyan pasulod sa nasambitan nga lugar agud panalitan may mag luntad liwat nga sunog mahapos makasulod ang bombero sa mga kabalayan sa lugar.
