Kadungan sang paghulat sang misa ni Pope Francis para sa 500th year of Christianity sa Pilipinas madamo sang mga pinoy sa Rome, Italy ang aga pa nga nagpadulong sa St. Peter’s Square agud masaksihan ini.
Alas 05:00 sang hapon oras sa Pilipinas nag-umpisa ang ginpatigayon nga misa.
Suno kay Bombo Correspondent Jeff Lagos, limitado ang makasulod sa cathedral agud nga masiguro nga maobserbar ang social distancing.
Ang mga tawo ang nagahulat sa St Peter’s Square sang signal agud makasulod sa simbahan.
May yara man sang TV screen sa gwa sang Cathedral nga lantawan sang mga nagtambong nga indi makasulod.
Ginpahayag man sini nga hugot man nga nagabantay ang mga securities agud nga masiguro nga naobserbar ang health protocols.
Suno kay Lagos, may yara sang banderitas nga hayahay sang Pilipinas sila nga ginbakal agud matumod nga sila ang kabahin sang Filipino community sa Rome, Italy.
Samtang, nalipay kag nagapasalamat gid ang isa ka Pinoy nga ginpangunahan ni Pope Francis ang pagpatigayon sang misa para sa mga Filipino kakadungan sang 500th years of Christianity sa Pilipinas.
Suno kay Val Maohay sang Calamba, Laguna, temprano pa man ini nga naghimos agud nga makapadulong sa St. Peter’s Basilica.
Dako gid pagpasalamat sini nga naghatag sang tion nga magmisa ang Santo Papa para sa mga Pilipino.
Nagakasubo man ang isa ka Pilipina sa Rome, Italy bangud indi tanan nga nagtambong sa misa ni Pope Francis ang makasulod sa cathedral.
Apang nalipay man gihapon si Irene Dela Peña nga bisan paano nakasulod sila sa St. Peter’s Square agud magtambong sang misa kag may TV screens man nga ginpartinisir agud nga malantaw sang mga nagtambong sagwa sang cathedral.
