Gin-evacuate ang mga pumuluyo nagikan sa lima ka mga barangay sa banwa sang La Castellana matapos ang paglupok sang Bulkan Kanlaon.
Sa interview sang Bombo Radyo kay Police Major Rhon Darrel Nigos, nagacooperar ang mga pumuluyo sa ginpatigayon nga evacuation kagab-i kun sa diin nagapamalay-balay ang mga kapulisan agud masiguro kag maclear na ang area ilabi na ang mga yara sa four kilometer radius kag ang mga apektado sang eruption.
Suno kay Nigos, ang evacuation center ang yara sa proper sang La Castellana kag ginatiniran man sa karun sang mga pumuluyo ang tupad nga college building sini kag ang La Castellana National High School.
Suno diri, ang mga evacuees ang nagikan sa Barangay Sag-ang, Barangay Mansalanao, Cabagnaan, Masulog kag Biak na Bato.
Ginapangreroute naman ang mga salakyan nga nagabyahe sa safe nga mga areas.
Nagpanugyan si Nigos sa mga pumuluyo nga magpangamuyo kag indi magpanumdum sang mga negatibo.
