Posible nga madevelop ang very strong El Niño sa bulan sang Oktubre tubtob Disyembre subong nga tuig apang indi tuman ang epekto sang probinsya sang Negros Occidental nga naag-eksperyensya sang heavy rainfall event sa katapusan sang tuig.
Sa interview sang Bombo Radyo kay Irene Bel Ploteña, pinuno sang Negros Occidental Provincial Disaster Risk Reduction and Management Office (PDDRMO), santo sa climate forum sang Philippine Atmospheric, Geophysical and Astronomical Services Administration (PAGASA), sa karun yara sa El Niño alert kag may yara sang ginabantayan nga posible nga pag-abot sang El Niño sa Pilipinas.
Suno diri, santo sa forecast sa Pilipinas, madevelope ang strong El Niño sa bulan sang Setyembre, Oktubre kag Nobyembre kag ang very strong El Niño madevelop humalin sa bulan sang Oktubre, Nobyembre kag Disyembre.
Suno kay Ploteña apisar sini, sa probinsya maeksperyensyahan ang heavy rainfall event bangod sa bulan sang Nobyembre kag Disyembre typhoon season sa Negros Occidental amo nga wala sang potential nga dry spell.
Pahayag sini, sa karun yara pa sa summer season kag ini ang nagakabatyagan nga tig-ilinit apang ginahulat ang transition sa rainy season sa masunod na nga mga inadlaw ukon semana.
Pahanumdom sini subong nga tig-ilinit magmonitor sa lakat sang panahon apang magpreparar man pananglitan nga mag-abot ang maulanon nga panahon.
