Ginpahayag sang legal counsel sang Indian national nga driver sang pula nga Toyota Innova nga nag-arado sa mga nagprusisyon sang Biyernes Santo sa Barangay Alangilan, Bacolod City nga tun-an sini ang reklamo nga ginpasaka batok sa iya kliyente.
Ang driver ang ginkilala kay Jagpret Shingh, 37 anyos kag residente sang B133, Lot.89, Buena Park Subd., Brgy. Villamonte, Bacolod City.
Sa interview sang Bombo Radyo Bacolod kay Atty Jose Luis Bunagan Guatelara, legal counsel sang Indian National, nakagwa na ang kliyente sini matapos nga nakapiyansa.
Suno kay Guatelara, tun-an sini ang mga complaints nga ginpasaka sa iya nga kliyente nga ginlakipan sang qualified reckless imprudence resulting to multiple homicide, multiple physical injuries nga ginalakipan sang slight, less serious kag serious physical injuries) kag damage to property.
Suno sa abugado ang ginfile sang police nga RA 10586 ukon Anti-Drunk and Drugged Driving Act of 2013 ang wala makasaka sang Fiscal’s Office bangud nga kulang sa ebidensya.
Ginalantaw man sini nga mangin compound ukon mangin isa nalang ang ginfile nga reklamo batok sa iya nga kliyente.
Ginpahayag man sang abugado nga kun indi na magpakita sa tion sang mga hearings kag magpalagyo ang Indian National ang korte ang mapagwa sang search warrant kag mahimo ini nga mapasakaan sang dugang pa nga kaso.
