Ginpabutyag sang Philippine Red Cross Negros Occidental – Bacolod City Chapter ang ila pagpasidungog sa dedikasyon sang mga volunteers kag empleyado sa pagselebrar sang World Red Cross kag Red Crescent Day sa padayon nga pagserbisyo sa katawhan sa tunga sang kabudlayan kag emerhensya.
Suno sa ahensya, ang ila mga volunteers amo ang heartbeat sang ila mission kun sa diin nagahatag bulig sa mga apektado sang kalamidad, kag nagapalig-on sang mga komunidad pinaagi sa paghatag sang edukasyon, pagresponder sa tion sang krisis, kag pagtinguha para sa tanan.
Dugang pa sa ahensya, ang World Red Cross kag Red Crescent Day nagapakita sang pagselebrar sang pagkamatawhay kag pagkamapainubuson nga apisar sa gamay nga pagbulig mahimo nga mapauswag ang kabuhi sang iban kag makapakita sang paglaum para sa tanan.
