Kun sa Bombo Radyo mabatain ang drama nga ‘Misteryo sang Kabuhi’ may isa naman ka nagakatabo sa United Kingdom nga makabig nga ‘Misteryo sang Saging’.
Pila na ka tuig ang naglabay, apang sa umpisa sang kada bulan, may gakasapwan ang mga tawo sa Beeston nga mga saging nga napanitan sa kilid sang dalan, sa amo lang sa gihapon nga lugar.
Sa kada una ukon ikaduha nga adlaw sang kada bulan, may isa ka pinggan nga may 16 tubtob 20 ka saging nga may honey ang makit-an sa Abbey Road kag Wensor Avenue sa Beeston kag wala sang ideya ang mga residente kun sin-o ang sa likod sini.
Apisar sa mga signages nga untaton ang pagbilin sang saging, wala man ini sa gihapon ginasunod.
Iban nagapati nga may religious meaning ini samtang ang iban naman ang nagapati nga ginabilin lang didto para sa mga kasapatan, apang wala man sang may nagatandog.
Tubtob sa karun, indi makapati ang mga residente nga wala gid sang may nakakita sa kun sin-o man ang nagabilin sang ginpanitan nga saging sa amo lang gihapon nga lugar.
