Nacontain na ang molasses spill sa Binalbagan River nga nagikan sa Binalbagan Isabela Sugar Company ukon BISCOM.
Ang molasses spill ang nagluntad sadtong tinalikdan nga Sabado de Gloria, Abril 19.
Sa media interview kay Lucia Salazar, Supervising Environment Management Specialist-City Environment and Natural Resources Office – Kabankalan, nagdangat sa apat ka mga barangays sa banwa sang Binalbagan ang naapektuhan sa nagluntad nga molasses spill.
Suno kay Salazar, bangud sa natabo nagpatigayon sila sang survey sa area naapektuhan sang molasses spill kag nagkuha sang water sample kag ini ang ginpadala sa ciudad sang Iloilo agud ma-analyze kag tubtob sa karun ginahulat pa nila ang resulta.
Ang mga barangay nga ginpadulungan sang team sang Environmental Management Bureau, Philippine Coast Guard, EMB, Local Government Unit kag DENR ang ginalakipan sang Barangay Canmoros, Sitio Torres, Barangay Progresso; Miranda kag Marina.
Suno kay Salazar ginpahayag sang pamunuan sang BISCOM nga ang pond type sang stockpile sang molasses ang nag-moist bangud sang mainit nga panahon gani nag-awas ang molasses.
Samtang may gin-report nga fish kill ukon pagkapatay sang pila ka mga isda sa bahin sang Barangay Canmoros bangud sa epekto sang molasses.
Santo sa report sang BISCOM ang stockpile naga-unod sang 4,980 ka tones sang molasses.
