Gindusdos sang canter ang isa motorsiklo sa aksidente nga nagluntad sa intersection sang BS Aquino Drive kag dalan Lacson, kaina sang aga.
Sa interview sang Bombo Radyo Bacolod kay Eugene Villariaz, Bacolod Traffic Officer, ginpahayag sang mga nakakita kag kaupod sang nakabunggo nga tanker sa lane nga ang canter ang padayon sa pagmaneho apisar nga nag-untat na ang mga ini.
Suno kay Villariaz, nagbeat the red light ang canter gani nabungguan sini ang motorsiklo nga yara sa insakto nga lane kag gindusdos niya pa ini rason nga nagsuok ini sa idalom sang nasambit nga truck.
Bangud sa impact ang driver sang motorsiklo ang nagaakom sang samad.
Nagalaom man si Villariaz nga maumpawan ang driver sang motorsiklo bangud santo sa nakita sini, critical ang sitwasyon sang gindala sa ospital.
Nagpanugyan man ini sa tanan nga nagabiyahe nga maghalong kag sundon ang traffic rules agud nga malikwawan ang insidente.
