Gin-hold sang Department of Labor and Employment (DOLE) ang sweldo sang kapin sa 25 ka Tulong Panghanapbuhay sa Ating Disadvantaged/Displaced Workers (TUPAD) matapos nga kulang ang ila nga nabaton.
Sa interview sang Bombo Radyo kay Acting Punong Barangay- Brgy Kagawad Jake Arenas sang Brgy 7, 50 ka mga workers ang nagpadulong sa releasing sang ila sweldo apang kapin sa 25 lamang ang nahatagan sang kumpleto nga sweldo nga P4,800.
Suno kay Arenas, ang katunga sa ila ang nagbaton lamang sang masobra sa P3,000 nga sweldo.
Bangod sini ginpabalik na lamang sang DOLE ang kwarta bangod nga indi sila magrelease kun ini ang kulang.
Dugang pa ni Arenas, aminado man ang mga workers nga nag-cash advance sila sa brgy 7.
Madumduman nga sang Setyembre 2 sang hapon, gindagdagan sang tatlo ka bulan nga suspension without pay sang Office of the Ombudsman sanday Punong Barangay Hercy Sibug, Barangay Kagawad Bernabe Sibug kag Barangay Treasurer Edmar Base.
