Gibawian sang kabuhi ang isa sa duha ka persona nga ginluthang samtang naga-angkasanay sa motorsiklo sa Gatuslao Street, Bacolod City sa atubang sang isa ka mall alas-10:15 kagab-i.
Sa interview sang Bombo Radyo Bacolod kay Police Lt Lyzel Guiñez, Deputy Station Commander sang Bacolod Police Station 2, gindeklarar nga dead on arrival ang isa sa mga biktima nga ginkilala nga si Alyas Christian, residente sang Brgy 6, Bacolod City, samtang padayun naman nga ginadapatan sang pagbulong si Alyas Noknok, nga wala pagid nila mahibaluan ang identity.
Wala paman natumod kun diin nagikan ang duha kag kun sa diin sila padulong.
Ang duha ka biktima ang parehas nga nakuhaan sang cal. 38 revolver sa ila nga lawas.
May nauna naman nga nagpakilala nga nakakilala sa mga biktima, nga suno diri involved sa mga kinawatay.
Sa karun padayun pa ang imbestigasyon sang kapulisan, kag ginatsekyar naman kun may nakakuha nga CCTV sa gunman, kun pila ang suspect, kag kun sin-o ang driver kag backrider sa duha ka biktima.
May narecover naman nga apat ka basiyo sang bala sa lugar, apang wala pa matumod kun ano nga calibre sang armas ang gingamit sang suspect.
Samtang Sa interview sang Bombo Radyo Bacolod kay Alyas Jason isa ini sa nakabati sang lupok, apang wala sila gilayon nagpalapit sa crime scene.
Suno kay Jason, ginhambalan lamang sila sang gwardiya nga may-ara sang ginluthang.
Ang mga biktima ang nagaangkasanay sa motorsiklo kag ginalantaw nga nagasunod sa ila ang mga suspek bangud sa likod sang ulo ang igo sang backrider kag sa abaga naman sa driver.
Wala man natalupangdan ni Jason kun may mga armas ang duha apang nabatian sini nga may ara.
