-- ADVERTISEMENT --
Nagapabilin sa 375 gikan sa 14,519 ka gasolinahan sa pungsod ang temporaryo nga sirado bangud sa kakulang sang suplay sang langis tuga sang krisis sa Middle East, ini ang ginreport sang Philippine National Police (PNP).
Suno kay PNP Chief General Jose Melencio Nartatez Jr., nagapakig-angot ang PNP sa Department of Energy kag sa Municipal Price Coordinating Council agud mapasiguro ang suplay sang produktong petrolyo sa pungsod.
Ginapahanumdom man ang mga tag-iya sang gasolinahan nga indi mag-hoard ukon mag-overprice sang gatong.
