Narecover sang tropa sang militar ang armas-luthang nga gintago sang isa sa mga nagsungka nga remant sang North Negros Front sa Barangay Pinapugasan, Escalante City, Negros Occidental.
Sa interview sang Bombo Radyo Bacolod kay Lt Col. Arnel Calaoagan, Commander sang 79th Infantry Battalion sang Philippine Army, narecover nila kapin alas-5:30 sang kaagahon kahapon ang high powered cal. M16 rifle nga gintago sa creek kapin 300 meters sa nabagatnan-nasidlangan sang una nga encounter site sang Pebrero 21.
Madumduman nga nagdangat sa 11 ka engkwentro ang sunod-sunod nga nagluntad sa Escalante City sang Pebrero 21 tubtob 27.
Apang sila ang nagpatigayon sang clearing operation sa palibot lamang sang una nga encounter site, gani wala makit-an ang armas.
Suno kay Caloagan, sang Hulyo 21, duha sa lima ka remnant sang North Negros Front ang nagsurrender sa Manila, kag sang sila ang ginbalik sa Bacolod City, una na nila nga gincontact ang isa pa nila ka kaupod.
Bangod sini sang pag-abot sa Bacolod-Silay Airport, nagsugata ang isa ka rebelde sa tropa sang militar, nga amo ang nagtudlo kun sa diin sini gintago ang iya mga arma sang magpalagyo kasunod sang engkwentro.
Kasunod nga adlaw isa pa ka rebelde ang nagsungka sa militar.
Suno kay Calaoagan, makaduha na nila nga ginpadulungan sang operating troops ang area, apang wala nakita ang armas gani kahapon mismo ang rebelde ang nag-upod sa ila agud itudlo kun diin nakatago ang armas nga may-unod pa nga pito ka live ammunitions.
