Padayon pa sa karun nga gina-imbestigahan sang mga otoridad ang motibo sa mass shooting nga nagluntad sa isa ka Catholic church sa Minnesota kahapon.
Suno kay Joseph Thompson, acting US Attorney para sa distrito sang Minnesota, ang suspect nga nagpaarak sang luthang sa mga estudyante ang daw kaangay nga may kalain sang buot sa tanan nga tawo.
Lakip na gina-imbestigahan sa karun ang plano sang shooter kag ang iya mental state.
Nahibaluan nga ang suspetsado ang 23-anyos nag si Robin Westman.
Suno sa mga otoridad, si Westman ang nakaangkon sang isa ka “deranged fascination” sa mga nagliligad nga mass shooters kag nagbilin sang ginatos nga pages sang mga sinulatan sini nga nagapabutyag sang kainit sa tanan nga sekta lakip na ang mga Black, Christian, Mexican kag Jewish.
