Nagsaka na sa tatlo ang mga napatay sa pag-arado sang pribado nga salakyan nga dala sang Indian national sa mga nagaprusisyon sa Granada-Alangilan Road, Prk. 20, Brgy. Alangilan, Bacolod City, alas-7:20 sang Byernes Santo sang gab-i.
Nahibaluan nga gikan sa Barangay Alangilan ang pula nga Toyota Innova nga dala ni Jagpret Shingh, 37 anyos kag residente sang B133, Lot.89, Buena Park Subd., Brgy. Villamonte, Bacolod City samtang sakay man sa salakyan sanday Sakay man sa salakyan sanday.
Padulhog na ang mga ini sa Barangay Granada sang nabungguan ang tricycle nga nag-overtake sa patrol car sang Bacolod City Police Station 5 nga amo ang nagapanguna sa prusisyon.
Dead on the spot ang driver sang tricycle nga si Jonelo Solan, Sr., 66-anyos, kag residente sang Purok 6, Brgy. Alangilan, Bacolod City nga amo ang derekta nga nabungguan.
Sa latest update, napatay man sa ospital sanday Gilven Tabique kag Daynah Plohinog, nga lunsay pasahero sang tricycle.
Sa karun may ara pa sang 10 ka mga pilason nga padayun nga ginadapatan sang pagbulong sa nagkalainlain nga ospital.
