Gin-athag sang Project Engineer nga in-charge sa Halandumon Tower sa Corner Gonzaga – Gatuslao Streets nga nakaabot na ang mga lumineers nga gin-order sang contractor sa Thailand kag parts nalang ang ginahulat.
Sa interview sang Bombo Radyo kay Engr. Leuben Ceballos, nag-abot na ang replacement sang suga sang Oktubre apang may natukiban nga may mga parts ini nga kinahanglan islan rason nga nag-order liwat ang Hummingbird Construction sa Thailand.
Suno kay Ceballos, natukiban ang mga guba nga parte sang gintakod ang mga suga.
Nagpatunda naman ang contractor suno kay Ceballos nga mapadala ang supplier sang technical person agud magbulig sa pagtroubleshoot.
Ginpasalig naman sang project engineer nga ginapasolbar sa Hummingbird Construction ang kinahanglan nga i-troubleshoot bangud may yara pa gihapon sang warranty ang proyekto.
