Nagpasalig ang National Food Authority (NFA) nga magapadayon sila sa pagbakal sang humay sa balor nga P30 kada kilo sa mga local farmers.
Suno kay NFA administrator Larry Lacson, magapanilin sa P30 ang ila price ceiling tubtob nga wala sang revision sa NFA council.
Suno sa NFA, mas nagsaka ang production sang farmers kag ang ila nga income bangod sa suporta sang gobyerno kaangay na lamang sang subsidies.
May yara man sang modernization plan ang NFA, lakip na ang procurement sang post harvest facilities kaangay sang dryers kag rice mills agud nga mapasanyog pa gid ang rice processing capacity.
Pahayag sang NFA, magapadayon ang ahensya sa pagkooperar sa mga mangunguma kag mga stakeholders para sa mas epektibo nga pagsolbar sang mga pagpanghangkat sa agrikultura kag mapa-imprubar ang agricultural livelihood.
