Nagsabat ang National Bureau of Investigation (NBI) sa nangin pahayag ni Sen. Alan Peter Cayetano nga ginhingadlan si NBI Director Melvin Matibag nga isa ka “cartoon character” kag “minion.”
Sa ginpagwa nga pahayag sang komisyon kahapon, ginpahayag sang NBI nga indi sila magsabat ukon magbalos sa pahayag sang senador.
Sa ila gin-publish sa social media, ginpahayag sang NBI nga indi sila magpa-apekto sa anuman nga label ukon pagpang-insulto nga ginahatag sa ila.
Suno sa NBI, nagapabilin nga nakabase sa ebidensya, dokumento, kag layi ang trabaho sang Bureau.
Dugang pa sang ahensya, magapadayon si Matibag sa pagtuman sang iya nga mga katungdanan.
Ginpagwa sang senador ang nasambit nga name-calling kasunod sang ginpahayag ni Matibag nga paga-imbestigahan sang NBI ang mga gina-alegar iregularidad sa pagpatindog sang mga pasilidad nga gingamit sa 2019 SEA GAMES.
Sa bahin ni Cayetano, ginaalegar gingamit ni Matibag ang imbestigasyon bilang pamahog antes ini mag-atubang sa impeachment trial ni Vice President Sara Duterte sa Senado.
