Nagapanguna sa gihapon sanday Milwaukee Bucks forward Giannis Antetokounmpo kag Denver Nuggets center Nikola Jokic sa all vote-getters sa pinakaulihi nga resulta nga ginpagwa para sa starting spots sa NBA All-Star Game sa masunod nga bulan. Ang Greek star nga si Antetokounmpo, nga leading scorer sang NBA kag two-time NBA Most Valuable Player, ang nagpanguna sa Eastern Conference frontcount voting...

Wala nalab-ot sang Bureau of Internal Revenue (BIR) ang target sini para sa tobacco excise tax collection bangud sa pagpadayon gihapon sang iligal nga pagbaligya sa Pilipinas. Suno sa ahensya, ang ila nga total tobacco excise tax collection sang nagligad nga tuig ang yara lamang sa P134 billion. Kulang ini sang P51 billion agud kuntani malab-ot ang P185 billion target collection...

Indi mapriso ukon magabayad sang penalidad si US President Donald Trump bangud sa iya criminal conviction nagikan sa hush money nga ginbayad sa isa ka porn star santo sa ruling sang isa ka judge sang Biyernes. Ang sentencing ni Justice Juan Merchan, 78-anyos, bangud sa unconditional discharge, ang nagasirado sang isa ka kaso bangud sa iya bid nga liwat nga...

Napulo na ang ginreport nga napatay bangud sa wildfires nga nagsunog sa linibo nga mga pamalay kag padayon pa nga nagahalit sa Los Angeles sa Amerika. Ginpatawag naman ang National Guard soldiers agud magbulig in kaso nga makaangkon sang ginamo. Gin-anunsyar sang Los Angeles County Medical Examiner sang Huwebes sang gab-i ang nagtaas nga numero sang mga fatalities sa nagapadayon pa...

Ginakwestiyon sang kampo ni Mary Jane Veloso si President Ferdinand "Bongbong" Marcos Jr. kun ano pa ang ginahulat sini, agud mahilway na ang Filipino drug convict sa iya ika-40 nga kaadlawan. Suno kay Atty. Edre Olalia, isa sa legal counsels ni Veloso, ginpahayag sang Indonesia nga insakto lamang nga hatagan sang Presidente si Veloso sang clemency kag ang responsibilidad ang...

Naverify na ang tatlo ka mga impeachment complaints batok kay Vice President Sara Duterte kag handa na nga itransmit sa Office of the House Speaker Martin Romualdez sa maskin nga oras. Suno kay House Secretary General Reginald Velasco, apang target sini nga hatagan ang pila ka mga mamalidha sang tubtob sa masunod nga semana agud maghimo sang desisyon natuhoy sa...

Wala sang may narekord nga seryoso nga injuries ukon untoward incidents sa Traslacion ukon kapiyestahan ni Hesus Nazareno. Suno kay Manila Police District (MPD) director Police Brig. Gen. Arnold Thomas Ibay, magluwas lamang sa foot injuries kag hypertension nga na-eksperyensyahan sang pila ka mga deboto, wala sang serious injuries kag untoward incidents sa bilog nga durasyon sang prosesyon. Nagdugay sang masobra...

Kapin walo ka milyon nga mga deboto ang nakigbahin sa Traslacion. Nakabalik na sa Minor Basilica and National Shrine of Jesus Nazareno ukon Quiapo Church ang imahe ni Hesus Nazareno sang Biyernes, Enero 10, matapos ang masobra 20 ka oras nga prosesyon sa isa ka intense display sang pagtuo sang mga Katoliko. Nagsulod sa simbahan ang imahe ni Hesus Nazareno nga...

Mahimo nga masuguran sa Enero 20 sang Bacolod City Government ang pag-require sa mga empleyado sang ciudad nga magsuksok sang Asian-inspired kag Filipiniana attire kada Lunes. Ginpayahag ni City Administrator Lucille Gelvolea nga nalipay ang mga empleyado ang pagpatuman sang memorandum sang Civil Service Commission nga may tinutuyo nga mapabaskog ang national identity kag culture sa pungsod. Nakasaad sa Memorandum Circular...

Ginahulat nalang sang mga kapulisan sang Bacolod City Police Station 3 nga makagwa sa ospital ang biktima nga ginluthang sa Purok Langis, Brgy Banago, ciudad sang Bacolod sang Enero 3 sang gab-i agud nga mapasakaan sang kaso ang suspetsado. Ang biktima ang ginkilala nga si alyas "Lovely", 30 anyos kag residente sang Brgy Bata, Bacolod City apang temporaryo nga nagapuyo...