Ginpahayag ni Negros Occidental 5th District Representative Atty. Dino Yulo nga conscience vote ang rason kun ngaa nagboto ini sang ‘No’ sa pagpasar sang Absolute Divorce Act (House Bill 9349) sa House of Representatives.
Suno kay Yulo, nagapati ini nga yara sa Philippine constitution nga ang basic unit sang sosyodad kag katilingban amo ang pamliya.
Suno diri, sa divorce proceeding, indi lamang ang amay kag iloy ang apaktedo diri, apang ilabi sa tanan nga apektado amo ang kabataan.
Bilang isa ka abogado, suno kay Yulo, may yara sang mga solusyon sa idalum sang layi nga indi na kinahanglan pa sang Absolute Divorce Act.
Pahayag ni Yulo, napasar na sa lower house ang divorce bill kag ginahulat pa kun ang version sang senado, kag kun ano man ang mangin resulta sini, ang pumuluyo man sa gihapon ang makahambal kun ano ang ila nga paglantaw sa Absolute Divorce Act.
