Ginpahayag sang gobernador sang probinsya sang Negros Occidental nga mahatagan na sang kahigayunan si expelled Negros Oriental Representative Arnolfo “Arnie” Teves Jr. nga mapalab-ot ang bahin sini kasunod sa pagka-aresto sa iya sa Timor Leste, sang Huwebes, alas 4:00 sang hapon.
Suno kay Governor Eugenio Jose “Bong” Lacson, may kamatuoran ang pahayag nga “You Can Run But You Can’t Hide”.
Suno diri, sa karun mahatagan na sang kahigayunan si Teves nga mapadangat ang iya bahin sa isa ka proper forum.
Madumduman nga gindesignar bilang isa ka “terorista” si Teves, kag ini ang naaresto sa Dili, Timor Leste samtang nagahampang sang golf.
Ang anay mamalidha ang nagapangatubang sa kaso nga murder, frustrated murder kag attempted murder bangud siya ang ginakabig nga mastermind sa pagpatay kay Negros Oriental Governor Roel Degamo kag walo ka iban pa sadtong Marso 4, 2023.
