Hilway gihapon ang probinsya sang Negros Occidental sa African Swine Fever (ASF).
Suno kay Provincial Veterinanarian Dr. Renante Decena, humalin Enero 1 tubtob sa karun, nagdangat na sa apat ka tonelada kag 51 kilos ang nakumpiskar nga mga pork kag pork products nga nagabalor P1.2 million.
Suno sa iya, nagapadayon ang ASF Task Force agud mapabilin nga hilway sa balatian ang probinsya.
Ini bangud may yara sang dako nga investor nga gina-negosyar sa karun sa Kabankalan tuhoy sa paglease sang ila meat processing plant sa sulod sang napulo ka tuig.
Diri igaproseso ang 50 ka mga ulo sang baboy kada adlaw kag makabulig gid ini sa mga backyard raisers.
Santo sa Apprehension Report sang ASF Task Force, Veterinary Inspection Report kag Hog Shipment Report, humalin Oktubre 9 tubtob 15, 2021, kabug-usan nga P9,628 nga balor sang pork kag pork products ang nakumpiskar sa mga point of entries sa probinsya.
Sa nasambit nga period, nakainspect ang quarantine team sang 1,648 ka mga incoming vehicles kag refrigerated container vans.
Kabug-usan nga 2,991 ka mga baboy ang naship out sa probinsya sa nagkalain-lain nga destinasyon sa Luzon kag Visayas kag 55 ka mga Livestock Transport Carriers nga gingamit sa nasambit nga tinutuyo ang gindisinfecr pag-abot sa nagkalain-lain nga point of entries.
