Nagapangayo sang pasaylo ang Negros Electric and Power Corporation (NEPC) sa pagluntad sang brown-out sa una nga adlaw sang Enero 2025.
Sa interview sang Bombo Radyo Bacolod kay Engr. Leomel Tambanillo, Assistant Vice President for Planning and Business Operations sang Negros Power, kahapon sang aga may yara sang wire down sa connection sang mga kuryente bangud sa defective insulator.
Isa diri ang yara sa City Mall Mandalagan kun sa diin nagtuga sang pagbrown sa nasakupan sini.
Suno kay Tambanillo, ginkay-o man gilayon sang ila personnel ang linya agud mabalik ang connection sang kuryente.
Aminado man ini nga madamo pa ilislan nga mga transformers kag mga linya sang kuryente nga kabahin sang lima ka tuig nga transformation plan agud nga mahatag ang maayo nga serbisyo sa mga consumers.
Nagpasalamat man ini nga wala sang power interruptions sang Christmas kag New Years eve.
