Ginpasalig sang Presidente sang Negros Electric and Power Corporation (NEPC) nga mangin madasig ang ila pag-address sang mga complaints sang mga member-consumers apang nagahingyo man sila sang tion antes masolbar ang malala nga problema sa brownout.
Sa interview sang Bombo Radyo Bacolod kay Roel Castro, ginalantaw nila nga ang pagpirma ni President Ferdinand ‘Bongbong’ Marcos Jr. sang Republic Act 12011 ang nagakahulugan nga luyag sini nga tumanon ang ginpangabay nga makahatag ang NEPC sang dako nga pagbag-o para sa mga konsumedor.
Matapos pirmahan, may 15 ka adlaw pa nga publications kag kinahanglan pa sang Certificate of Public Convenience and Necessity (CPCN) antes sila ang opisyal nga makatake-over sa Central Negros Electric Cooperative (CENECO).
Paathag ni Castro nga indi nila madula ang brown out sa isa lamang ka gab-i nga pagtrabaho.
Suno diri, i-upgrade pa sang mga ini ang mga tranformers, substations kag linya sang kuryente.
Ang upgrading ang amat-amat man nga himuon bangod ini ang ischedule lamang sa kada area ilabi na nga indi man mahimo nga tingob nila nga patyon ang kuryente sa tanan nila nga area of responsibility.
Apisar nga madugayan pa antes ma-address ang problema sa asod-asod nga brownout, pasalig ni Castro nga sila ang madasig nga magahulag sa mga concerns kag complaints sang mga member-consumers.
Sila ang magapagwa man ang 24/7 hotlines sa ila social media platforms.
Gin-athag ni Castro nga yara gihapon ang CENECO kag sila ang may 30 porsyento share.
Samtang sa 400 nga empleyado sang CENECO, yara sa 230 ang liwat nga nag-apply kag 220 naman ang ila nga ginrehire bilang regular employees.
Ang ila temporary office ang nahamtang sa 2nd floor sang Robinsons East.
