Madamo sang mga nag-upod sa pagdul-ong kay Nicus Balagusa sa iya ulihi nga palahuwayan sa Greenhills Memorial Park.
Kalakip sa mga nag-unong ang mga pamilya, barkada, classmates kag mga manunudlo sang biktima nga nagdangat sa masobra 500.
Madumduman nga si Nicus Balagusa, 20 anyos, Grade 11 student ang ginsulod sa kwarto kag ginluthang sa atubang mismo sang iya mga ginikanan sang Hunyo 2 sang gab-i.
Ang suspect ang ginkilala nga si Carlito “Dondon” Tongho, amay sang 16 anyos nga babayi nga gina-alegar ginlugos sang duha ka abyan ni Nicus.
Ang suspect ang may 4 pa ka kaupdanan kag sila ang lunsay ginpasakaan na sang kaso nga murder.
Ginpahayag sang biktima sa paghimulos sa mga kapulisan nga si Nicus ang indi kabahin sa nagtandog sa iya, bangod ini ang temprano nga nagpauli.
Sa baylo ang biktima ang nagpaandam pa sa iya 17 kag 19 anyos nga barkada nga indi tandugon ang menor de edad.
Apang matapos ang komprontasyon ni Tongho sa duha ka naglugos sa iya bata, kag sang ang mga ini ang indi na makita sa lugar, bisan ang bata sini ang nakibot nga si Nicus ang ginsulong sini kag ginpatay.
Sa karun padayun pa nga ginalagas sang mga kapulisan ang mga suspetsado.
Sa pihak nga bahin samtang yara sa sementeryo, naghatag naman sang tribute ang mga barkada ni Nicus pinaagi sa pagpa-uwang sang mga motorsiklo.// Sa interview sang Bombo Radyo Bacolod kay Jules Gabriel, hustisya ang ila panawagan para ila nga abyan.
Suno diri, mahapos palapitan si Nicus kag ini ang mahapos lang pangayuan sang bulig.
Apang ini ang ginpatay sa wala man sini nahimo nga sala.
Sila ang nagpa-uwang sang motorsiklo bilang pagdumdom sa abyan, nga kaupod nila kuntani sa pagcompete sa circuit race.
