Pormal na nga ginbaton ni former US President Donald Trump kahapon ang nominasyon sang Republican Party sa iya bilang kandidato sa 2024 Presidential Elections, pila ka adlaw matapos ini nakaluwas sa isa ka assassination attempt sa Pennsylvania.
Si Trump ang nagpanawagan sang pag-isa kag ginpahayag nga ang discord kag division sa sosyodad ang dapat nga mabulong na gilayon gani bilang mga Amerikano, sila ang ulupdanay sa isa ka kapalaran kag kaladtuan.
Suno sa iya, siya ang nagapadalagan bilang Presidente sa tanan nga Amerika, indi lamang katunga sang Amerika bangud wala sang kadalag-an para sa tunga lamang sang pungsod.
Gani kaupod ang pagtuo kag devotion, bugalon sini nga ginabaton ang nominasyon bilang Presidente sang Estados Unidos.
Sa pihak nga bahin, ginabanta pa ni President Joe Biden ang mga panawagan nga magwithdraw sa kandidatura sa tunga sang mga kahangawa nga indi ini magdaog kag basi maulamid ang mga Democratic candidates sa Kamara kag Senado.
