Nagdangat na sa 16 ang numero sang nagkalamatay bangud sa Tropical Cyclone Enteng kag Southwest Monsoon suno sa National Disaster Risk Reduction and Management Council.
Suno sa NDRRMC, walo sa kabug-usan nga fatalities ang nareport sa Calabarzon, tatlo sa Bicol Region, duha ka Central Visayas, duha sa Eastern Visayas kag isa sa Western Visayas.
Suno sa NDRRMC, natalana pa nga ivalidate ang reported nga mga fatalities.
Samtang, kabug-usan nga 2,061,726 ka mga pumuluyo ukon 538,602 ka pamilya ang naapektuhan sang Enteng ukon Habagat sa Ilocos Region, Cagayan Region, Central Luzon, Calabarzon, Bicol, Western Visayas, Central Visayas, Eastern Visayas, Cordillera, kag Metro Manila.
Ang Bicol Region ang may pinakamadamo nga numero sang apektado nga mga residente nga yara sa 1,119,382.
Kabug-usan nga 5,965 ka mga pamalay ang nagkalaguba kun sa diin 5,858 ang partially kag 107 ang totally.
