Gin-athag sang officer-in-charge sang Land Transportation Franchising and Regulatory Board (LTFRB) Regional Office 6 nga wala sang bag-o nga guidelines ang ahensya angot sa pagbiyahe sang mga unconsolidate traditional jeepneys.
Sa interview sang Bombo Radyo Bacolod kay Atty. Salvador Altura, wala sang pagbag-o sa ila nga pagsulundan.
Suno kay Altura ang extension nga ginhatag ni LTFRB Chairperson Teofilo E. Guadiz III ang tubtob lamang sa Mayo 15.
Suno diri ang extension, verbal lamang nga ginhatag sa ila.
Suno kay Altura, magluwas sadto wala na sang extension kag bag-o nga pagsulundan nga ginhatag sa ila ang chairperson sang LTFRB.
Ginpahayag man sini nga ang mga wala maconsolidate nga nagapadayon sa pagbiyahe ang ginakabig nga colorum.
Suno kay Altura, ang Land Transportation Office na ang nakahibalo sa pagdakop sa mga ini.
