Lauman ang isa nanaman ka round sang oil price hike sa produktong petrolyo sa masunod nga semana suno sa isa ka opisyal nagikan sa Department of Energy.
Suno kay Atty. Rino Abad, director sang oil industry management bureau sang DOE, liwat nga magapatigayon sang oil price hike ang mga kumpaniya sang petrolyo sa masunod nga semana kag pagamarkahan ang ikapito nga asod-asod nga semana sang pagsaka sa presyo.
Suno sa iya, sa karun indi pa mabal-an kun pila ang balor sang price hike nga igapatuman sa masunod nga semana.
Bangud diri, liwat nga nagapanawagan ang transport groups sa gobyerno nga pasakaon ang minimum jeepney fare sa P10.00.
Suno kay Pasang Masda national president Obet Martin, kuntani ibalik na ang gin-aprubahan nila sang 2018 agud makabawi ang mga jeepney drivers ilabi na nga may yara sa karun sang pandemic.
Suno sa iya, duha na ka tuig nga wala sang benta ang jeep kag wala ini nagasaka ang presyo sini apisar nga nabudlayan na ang mga jeepney drivers.
