Ginpatigayon na ang opening ceremony sang 2026 FIFA World Cup sa Estadio Azteca sa Mexico City kaina sang kaagahon.
Maga-umpisa na ang hampang subong nga adlaw, Hunyo 12 kag ini ang pangunahan sang Group A, nga ginalakipan sang Mexico, South Africa, South Korea, kag Czechia.
Nag-atubangay sa opening match amo ang co-host nga Mexico kontra South Africa nga ginhiwat sa Mexico City, samtang sa Guadalajara naman ang South Korea kag Czechia.
Natigayon nga malutos sang host country nga Mexico ang South Africa, 2-0.
Ang una nga score ang nahimo sang 29-anyos nga forward nga si Julián Quiñones sa ika-siyam nga minuto.
Ini nga opening goal amo ang pinakadasig nga first goal sa World Cup nga na-rekord halin sang 2006.
Sa ika-67 nga minuto, ginpasundan ini sang goal ni Raul Jimenez.
Sa pihak nga bahin, duha naman ka red cards ang nabaton sang players sang South Africa.
Ini ang una nga tion nga may team nga nakabaton sang duha ka red cards sa hampang sa World Cup halin sang natabo man ini sa Netherlands kag Portugal sang 2006.
Nahibaluan nga masobra sa 80,000 nga football fans ang nagdugok sa Azteca Stadium ukon ang Mexico City Stadium agud magtambong sa opening ceremony.
Nangin highlight ang performance sang Colombian superstar nga si Shakira kag Nigerian singer nga si Burna Boy.
Gin-perform nila ang “Dai Dai” nga amo ang official anthem nga ila man ginsulat para sa tournament subong nga tuig.
May duha pa ka iban nga opening ceremonies nga balantayan sa duha ka iban pa nga host countries nga amo ang Canada kag Estados Unidos.
