Ginpahayag sang gobernador sang Negros Occidental nga yara na sa probinsya ang P50 million nga financial assistance nga ginhatag sang Office of the President para sa mga naapektuhan sang Bagyo Tino.
Sa interview kay Negros Occidental Governor Eugenio Jose “Bong” Lacson nga wala pa nila mabaton ang deed of donation gani indi pa matandog ang nasambit nga pondo.
Suno kay Lacson, gina-comply pa sang probinsya ang pila ka mga papeles agud mahatag na ang bulig sa mga nahalitan sang bagyo.
Suno sa gobernador pila ka mga concerns amo ang original signatories sa deed of donation matapos nga magresign si Undersecretary Adrian Bersamin.
Nagalaom si Lacson nga ikonsiderar nalang ang deed of donation bisan wala sang pirma ni Bersamin.
Dugang pa sini nga nagahulat pa sila sang feedback kun san-o ang releasing sang nasambit nga financial assistance bangud mahimo nga kwestiyonon sila sang Commission on Audit ang pagpagwa sini nga pondo kun kulang ang ila nga dokyumento.
