Ginbuyagyag ni eight-division world champion Manny Pacquiao nga ang ila mangin fight ni Floyd Mayweather Jr. sa Setyembre ang isa ka sanctioned professional boxing match kag indi exhibition fight lamang.
Sang nakaligad nga semana, madumduman nga ginpahayag ni Mayweather nga exhibition fight lamang ang iya nga luyag agud makahatag kalingawan sa mga tawo apang suno kay Pacquiao, ginpaathag niya nga ang kontrata nga ila ginpirmahan amo isa ka professional boxing match.
Ang ginalauman nga match ang pagahiwaton sa Las Vegas Sphere kag ipagwa sa Netflix.
Madumduman nga nag-atubangay na ang duha sang tinalikdan nga 2015 kun sa diin nalutos ni Mayweather si Pacquiao pinaagi sa unanimous decision kag ang palaabuton nga fight sa Setyembre amo ang ila mangin rematch.
