Nangin madinalag-on ang ginpatigayon nga Earth Hour 2024 Celebration sa Negros Occidental Provincial Capitol Lagoon, kagab-i.
Sa interview sang Bombo Radyo Bacolod kay Jose Alvin Legazpi sang Negros Occidental Provincial Environment Management Office, ang Earth Hour isa ka international event kag ginkalipay sini nga majority sa mga nagparticipate sa event sa Capitol Lagoon ang mga pamatan-on.
Suno diri, sila naga-promote sang awareness sa Climate Change ilabi na sa mga kabataan.
Pahayag ni Legazpi, ang isa ka oras nga pag-upod sa Earth Hour humalin alas 8:30 tubtob alas-9:30 sang gab-i, ang may dako nga impact sa kalibutan.
Samtang, nagapanawagan naman ang coordinator sa Earth Hour 2024 sang Negrosanon Initiative for Climate and the Environment sa mga kabataan nga magtuon sa impact sang Climate Crisis bilang mga masunod nga henerasyon.
Sa interview sang Bombo Radyo Bacolod kay Paul Daniel Serrano, may yara sang mga banda nga gin-invite nga nagperform nga sa pagpatay sang mga suga, ang tanan nag-upod sa pag-jamming.
Suno diri, ang tema sang ila event ang nakafocus sa pagpalapta sang intindi angot sa climate crisis ilabi na sa pagpa-intindi sa mga kabataan.
Ini bangod nga makabalaka ang climate crisis nga naga-apekto sa bilog nga kalibutan.
Panawagan sini, kun tani magtuon ang tanan para sa climate justice kag nagalaum ini nga ang Earth Hour ang makapakita sa mga konsumedor kun ano ang importansya sang kuryente.
