Isa ka resolusyon ang gin-aprubahan sang City Council sang Bacolod nga nagahingyo sa Mayor’s Office nga ipatuman ang night market ordinance sa ciudad.
Ang amo nga resolusyon nga gin-author ni Councilor Simplicia District ang gin-aprubahan kadungan sang regular session sang Konseho sang Miyerkules.
Suno kay Distrito, ang Ordinance 08-14-666 ukon Night Market Ordinance of the City of Bacolod ang gindihon agud maghatag sang mga pagsulundan sa pagtukod sang night market sa pila ka mga lugar sa ciudad kag nagapahanugot sa mga vendors nga mag-extend sang ila pagbaligya agud makatipon sang dugang nga income.
Sa iban nga mga lugar suno kay District, ang operasyon sang night market ang nangin tourist destination na.
Suno sa konsehal, nakabutang man sa ordinansa ang pagtukod sang Night Market Committee nga amo ang magasupervise sang operasyon sang night market kag nagahatag ini sang prayoridad sa mga sidewalk vendors nga boluntaryo nga nagadismantle sa ila mga stall.
Tinalikdan nga semana, ginpahayag ni Mayor Evelio Leonardia nga magaconvene ang market committee sa masunod nga semana agud istoryahan ang pagpatuman sang Night Market Ordinance bilang isa sa mga option agud maakomodar ang mga vendors nga maapektuhan sang demolisyon.
