Madamo sang predictions nga ginpagwa sa pagpakot kun sin-o ang magapungko bilang bag-o nga presidente sang Estados Unidos.
Nakahibalo bala kamo nga isa sa nakapredict sa pagdaog ni Donald Trump sa US presidential election amo ang famous baby hippo sa Thailand nga si Moo Deng?
Gin-offeran ang Hippopotamus sang duha ka basket sang prutas kag ini ang may mga label sang pangalan sang presidential candidates nga sanday Trump kag Kamala Harris.
Ang mga basket ang puno sang prutas kaangay sang dragon fruit kag sandiya.
Suno sa Khao Kheow Zoo, ginpili ni Moo Deng basket nga may pangalan ni Trump, bangod nga mas dako ang nabutang nga dragon fruit.
Mahibaluan nga si Moo Deng ang isa ka baby pygmy hippo sa Khao Kheow Open Zoo sa Thailand nga nangin social media celebrity kag sa karun nag-attract sang mga fans worldwide.
