Sa pihak sang kainit kag kabudlay nga ginaatubang sang mga pulis kag mga nurses nga nagacheck sa body temperature sang mga tawo nga nagasulod sa ciudad sang Bacolod, nagpakita naman sang kaalwan ang iban nga mga residente sang ciudad.
Sa pagbantay sang Bombo news team sa check-up point sa border sang Bacolod kag Talisay, makit-an ang nagainabot nga pagkaon para sa mga pulis kag nurses.
Mas ginpili naman sang mga donors nga indi nalang magpakilala kadungan sang pagdul-ong nila sang pagkaon.
Makit-an ang pila sa mga ini nga nagabitbit sang pagkaon nga naputos sa plastic, samtang may yara man sang nagahatag sang tubig, tinapay, kag vitamins.
Nahibaluan nga indi mabayaan sang mga pulis ang check-up point agud magbakal sang pagkaon bangud diutay lang sila kag madamo ang nagasulod nga mga tawo nga diri nagatrabaho.
