Nagapati ang Malacanang nga may kaangtanan ang nagalapta nga mga fake news sa social media sa pagnubo sang trust kag performance rating ni President Ferdinand “Bongbong” Marcos Jr.
Sa latest nga Pulse Asia survey, nagnubo ang trust kag performance rating ni Marcos sang Marso kun ikumparar sang Pebrero kun sa diin nagikan sa 42 percent, ang approval rating sang Presidente ang yara na lamang sa 25 percent.
Samtang sa trust rating, nagnubo ini sa 25 percent sang Marso kun ikumparar sa 42 percent sang Pebrero.
Suno kay Palace Press Officer Undersecretary Atty. Claire Castro, 2,400 lamang ang respondents ukon ang ginpamangkot sa nasambit nga survey kag indi ini sentimento sang kabug-usan nga masobra 100 million Filipino sa pungsod.
Suno sa iya, dako ang nangin impluwensya sang mga nagalapta nga fake news sa nangin resulta sini.
Suno diri, dapat mahibaluan sang administrasyon kun wala nakabaton sang bulig nagikan sa gobyerno ang mga ginpamangkot sa survey.
