Ginkondenar sang Negros Occidental Police Provincial Office ang pag-ako sang New People’s Army nga sila ang nagpatay sa isa ka mangunguma kag sa police personnel sa banwa sang Calatrava, Negros Occidental sang Domingo, Disyembre 7, 2025.
Madumduman nga una nga nagluntad ang isa ka shooting incident alas 7:05 sang aga, sa Sitio Tagda sa Barangay Dolis, Calatrava kag ang biktima ang isa ka 58 anyos nga lalaki nga si Armando Ogdamin.
Si Ogdamin ang nagahimos kuntani padulong sa simbahan sang hinali lang gintiro sang anum ka mga armado nga persona sa ulo sang makaduha ka beses.
Ang mga suspek ang nagpalagyo sa nabukid nga bahin sang Barangay.
Gilayon man nga ginrespondehan sang mga kapulisan sang Calatrava Municipal Police Station sa pagpanguna sang Acting Chief of Police nga si Police Captain Jesus Alba.
Alas 10:50 sang aga, ginreport naman nga ang mga personnel sang 3rd Maneuver Platoon asang 1st Negros Occidental Provincial Mobile Force Company ang nakaengkwentro sang anum ka mga armado nga mga persona samtang nagapatigayon sang warrant operation sa Brgy. Menchaca.
Bangud sa engkwentro, nag-disperse ang mga katapo sang NOCPMFC kun sa diin nadula si Aguilar.
Kapin alas 12:30 sang udto, nakabaton sang tawag ang Calatrava Municipal Police Station halin kay Barangay Kapitan Vicente Maquiller nga may bangkay nga nasapwan sa Purok 5, Brgy. Laga-an nga nakumpirmar nga si Aguilar.
Ginpahayag man sang mga residente nga nagpangayo pa sang tabang si Aguilar apang ini ang liwat nga ginpaulanan sang bala sang anum ka suspect.
Sa interview sang Bombo Radyo kay Negros Occidental Police Provincial Office spokesperson Police Captain Judesses Catalogo, ang mga pagpamatay sang New People’s Army ang nagapakita lamang sang desperado nga tikang sang mga rebelde.
Dugang pa ni Catalogo kun luyag gid tani sang mga rebelde nga magbulig dapat buligan nila ang mga nahalitan sang natural nga kalamidad.
Suno diri deserve sang mga pumuluyo sang Calatrava ang mas maayo nga pagpangabuhi kag indi ang block propaganda kag pagpamatay sang rebelde nga grupo.
Suno pa sa NOCPPO spokesperson bangud nga gin-ako na ini sang NPA may yara na sila sang tutukan sang ila imbestigasyon kag magacoordinate sila sa Armed Forces of the Philippines nga may jurisdiction sa area.
Ini agud nga mahatagan sila sang identity sang mga persona nga yara sa area sang nagluntad ang shooting incidentl.
Ginaverify man sa karun kun ano nga mga kagamitan sang police ang nakuha sang mga rebelde.
Samtang magapadulong man sa haya ni Aguilar si NOCPPO Director Police Col. Dennis Wenceslao, kasubong man ang iban pa nga mga opisyal.
