Indi magpasaka sa pletehan ang transport group nga BACOD Manibela apisar sa pagpatuman sang LTFRB sang fare hike epektibo subong nga Lunes.
Sa interview sang Bombo Radyo BACOD Manibela President Rudy Catedral, halin pa sang una, panindugan sang ila grupo nga bisan may ipatuman nga fare hike, indi sa gihapon sila magpasaka sa pletehan.
Ini bangud, suno kay Catedral, kun lantawon piso man lang sa gihapon ang ginasaka kag kun sukton ang pasahero, mahimo nga makatuga pa ini sang inaway.
Ginalantaw sini nga kaangay nga ginpatuman lang sang LFTRB ang farehike agud ipaaway ang mga transport group kag commuters.
Dugang pa, ginpahayag ni Catedral nga sila sa tranport group ang nagasimpatiya kag nagdepensa sa mga commuters.
Bangud suno diri, indi sila makapadayon sa ila pangalabuhian kun wala ang mga pasahero.
Dugang pa, mangin ang pamilya sang driver ang apektado man kun magpasake sila sang plete.
Samtang indi na ang mga ini magapatigayon sang transport strike, sa baylo sila ang may buhaton na lamang nga rally-protest halin alas-10:00 sang aga tubtob alas-12:00 karun sa udto.
