Ginaduso sang Chief Executive Officer sang Metro Bacolod Chamber of Commerce and Industry (MBCCI) ang pagpatukod sang Negros Island Power Development Cooridinating Council nga magapatuman ukon maga-negosyar sang power connection kag power distribution.
Suno kay Frank Carbon, pagasturyahan sa council ang tanan nga problema kag solusyon agud ma-sustain ang kinahanglan nga enerhiya sang mga konsumedor.
Dugang pa sini ang council ang paga-tambongan sang National Grid Corporation of the Philippines, Department of Energy, National Electrification Administration, Energy Regulatory Commission kag representante gikan sa mga konsumedor.
Pahayag ni Carbon maayo ini nga butang bangod nga maesturyahan sang timprano ang problema kag mahatagan sang solusyon nga indi na paghulaton pa ang tion sang black out antes pa nga maggiho.
Ginpaboran naman sang Departement of Energy ang ginaduso nga pagtukod sang Negros Island Power Development Cooridinating Council.
Suno kay Engr Joey Rey Malleza, pinuno sang Departement of Energy Industry Management Visayas, ang council ang indi lamang maga-atubang sa problema sang kuryente apang ini man ang maga-facilitate sa pag-implement sa mga poryekto.
Dugang pa sini, pamaagi sa council, mabatian ang mga rekomendasyon sang kada-isa kag ini ang makabulig sa pagduso sa mga programa nga makapamaayo sa ila nga serbisyo.
