Nagapadayon ang imbestigasyon sang Manapla Municipal Police Station agud matumod ang motibo kag ang responsable sa pagtiro-patay sa babayi nga Barangay Tanod matapos ginluthang samtang nagatakatulog sa ibabaw sang tricycle sa Brooksville 2, Yolanda Housing Project Brgy. Punta Salong, Manapla, kapin alas- 2:00 kahapon sang kaagahon.
Ginkilala nga si Grace Rabala, 47 anyos, residente sang nasambit nga lugar.
Sa interview sang Bombo Radyo kay Police Major Robelito Mariano, hepe sang Manapla Municipal Police Station, padayon ang ila nga imbestigasyon kag intel operation sa pagpatay sa biktima.
Suno kay Mariano, ginalantaw sang mga ini sa karun nga motibo sa pagpatay sa biktima ang mga nakaaway sini samtang ginalantaw man sini ang iban nga anggulo.
Suno sa hepe mahimo nga ang rason sang pagtulog sang biktima sa ibabaw sang tricyle ang trabaho sini bilang Tanod sang Barangay agud nga makita kag makapanilag ini sang maayo sa mga nagakatabo sa Barangay.
Ang biktima ang may mga nakaaway sa Barangay kag may yara pa kun tani nga hearing sa isa ka kaso sini sa Barangay kahapon apang ini ang ginpatay na.
Ang bangkay sang biktima ang gindala na sang utod sini sa banwa sang EB Magalona.
Ginatsekyar na sang mga ini ang mga CCTV agud magamit sa pagsulbar sa kaso.
