Panahon sang tag-ulan, nag-umpisa na suno sa PAG-ASA

Nag-umpisa na ang panahon sang tag-ulan sa Pilipinas subong nga adlaw.

Ini ang gin-anunsyo sang Pagasa, matapos mamonitor ang lima ka adlaw nga padayon nga pag-bubo sang ulan sa nagkalain-lain nga bahin sang pungsod.

Ginapahayag nga nakaapekto ang pagsulod sang bagyong Dante agud mapadasig ang pag-umpisa sang “rainy season” sa atun pungsod.

Bangud sini, nagpaandam ang Pagasa nga posible makaeksperyensya sang masami nga pagbubo sang ulan sa palaabuton nga semana kag bulan.

Mahimo man nga makaeksperyensya sang malaka nga mainit nga panahon kun marecord na ang “moonsoon break”.