Ginapahayag ni Atty Jomax Ortiz nga kun siya sa lugar sang abugado ni Pastor Apollo Quiboloy, indi niya pagpatambungon sa Senate Hearing ang iya kliyente.
Ini bangud ang mga pamangkot ang talakayon man sa korte.
Suno kay Ortiz, ang kaso nga ginapangatubang ni Quiboloy amo ang human trafficking, sexual abuse kag rape.
Suno sa abugado, ang Senado ang indi dapat magpamangkot sa akusado sa may kaangtanan sa ginapangatubang nga kaso.
Suno pa diri, kun piliton si Quiboloy nga magpakita sa Senado, may kinamatarong ini nga i-invoke ang iya kinamatarong batok sa self-incrimination.
Ginpahayag man sini nga kun magtambong pa si Quiboloy sa hearing sa Senado ginabutang lamang sini sa alang-alang ang iya nga kaugalingon.
Ginalantaw man nga gin-abisuhan na si Quiboloy sang iya abugado nga indi na magpakita sa Senado bangud ang kaso ang yara na sa korte kag ginalauman nga lima tubtob napulo ka adlaw, iarraign na ang kaso.
Sa tion nga may arraignment na, ischedule naman ini for trial kag indi na ini magpakita sa Senado bangud ang ang korte na ang bahala nga magdesisyon sa kaso sini.
