BACOLOD CITY — Ginlubong na ang pawikan nga nasapwan nga patay sa higad sang baybayon sa banwa sang Cauayan, Huwebes sang hapon.
Base sa report sang Community Environment and Natural Resources Office (CENRO) Kabankalan City, ang patay nga pawikan ang nasapwan sa Sitio Mabua, Barangay Poblacion, banwa sang Cauayan.
Santo sa imbestigasyon, ang marine turtle ang nakit-an sa atubang sang balay ni Aning Pabillaran nga isa ka mangingisda.
Suno sa mangingisda, ang sea turtle ang iya nakit-an sang Marso 16 sang hapon kag may yara sang pilas sa iya ulo kag kapay nga ginapatihan amo ang rason sang iya kamatayon.
Ini ang ginabanta nagalapad sang 30 tubtub 40 sentimetros kag nagalaba naman sang 40 tubtub 50 sentimetros.
Bangud nagapanimaho na ang pawikan, ini ang ginlubong nalang malapit sa amo nga lugar.
