Nag-dangat na sa 303 ang patay bangud sa Acquired Immune Deficiency Syndrome (AIDS) sa bug-os nga Western Visayas humalin sang tuig 1986.
Suno kay Christine Mosqueda, regional coordinator sa sexually transmitted infections sang Department of Health Region 6, 50 porsyento sa narekord nga napatay bangud sa AIDS ang natabo tatlo ka tuig na ang nakaligad, sa diin narekord nga 177 nga fatalities sang tuig 2016 tubtob subong nga tuig 2019.
Naga-panguna ang syudad sang Iloilo nga may 40 cases, samtang 39 naman ang yara sa probinsya sang Iloilo; yara naman sa pangatlo ang syudad sang Bacolod sa diin may rekord ini nga 37, kag 27 naman sa probinsya sang Negros Occidental.
19 naman ang narekord sa probinsya sang Aklan, samtang tig-walo naman sa probinsya sang Antique, Capiz kag Guimaras.
